Англиянинг "Манчестер Юнайтед" клуби устози Алекс Фергюсон декабр ойида бўлиб ўтадиган Лондоннинг икки клуби "Челси" ва "Арсенал"га қарши учрашувлар чемпионатнинг совринлари учун кўп нарсани ойдинлаштириб беришини таъкидламоқда.

Таъкидлаш лозим, "манкуниан"лар дастлаб, 13-декбар куни "канонир"ларни қабул қилса, 19-декабр куни Лондонда "аристократлар" меҳмони бўлишади.

"Биз бу учрашувларда ҳар доим ғалаба қозонишни истаганмиз. Биз ҳозирда мусобақа жадвалида "Челси"ни икки очко ортда қолдирган ҳолда пешқадамлик қилмоқдамиз. "Арсенал" ҳам жуда орқада қолиб кетаётгани йўқ. Шунинг учун бу учрашувлар жуда муҳим аҳамият касб этади. Ўтган мавсумда биз "Челси"га қарши иккита муҳим учрашувни бой бериб қўйганмиз ва бу лондонликларнинг чемпион бўлишида жуда катта рол ўйнаган. бу мавсумда эса уларга ҳеч қандай имконият қодирмасликка ҳаракат қиламиз", дея таъкидлади Фергюсон Inside Unitedга берган интервьюсида.