Англиянинг "Челси" клуби бош мураббийи Карло Анчелоттининг айтишига қараганда, айни вақтда лондонликлар оғир кунларни бошидан ўтказмоқда. Айниқса "зодагонлар"нинг ҳужум чизиғида инқироз кўзга ташганган. Бу ҳолат "Нькасл"га қарши ўтказилган учрашувда яққол кўриниб қолди.

"Ушбу ўйинда яна бир бор омадимиз келмади. Аммо шунга қарамасдан, ўз устимизда ишлашда давом этишимиз шарт. Сафарда ўтказилган учта учрашувда бор-йўғи битта гол киритишга муваффақ бўлдик, бу албатта кам.

Айни вақтда жамоамизга жуда оғир бўлмоқда. Биз турнир жадвалидаги етакчиликни қўлдан бой бердик. Энди ўйинимизни кучайтиришимиз керак.  Бугун жамоамиз намойиш этаётган ўйин ҳеч кимга ёқмаётгани аниқ.

"Ньюкасл"га қарши ўтказилган учрашувда аввалига ёмон ўйнаётган эдик, гол ўтказиб юбордик. Аммо кейинчалик ўзимизга келиб олиб, рақибга муносиб жавоб беришга ҳам муваффақ бўлдик.

Биринчи бўлимда ҳакам бизнинг фойдамизга пенальтини бермагандек туюлди, аммо ҳакамларнинг қарорларини матбуотда муҳокама қилишни ёмон кўраман. Хозир "Челси" инқирозли даврни бошидан ўтказмоқда. Ўз устимизда ишлашда ва "Эвертон"га қарши ўтказиладиган учрашувга имкон қадар тайёрланишга ҳаракат қиламиз", - дейди Анчелотти.