Лондоннинг "Арсенал" клуби Фулхемга қарши майдонга чиқиш олдидан муаммога дуч келди. Сешанба куни Лига кубоги доирасида "Уиган"га қарши ўтказилган учрашув вақтида жароҳат олган Самир Насрининг "Фулхем"га қарши майдонга чиқиши сўроқ остида турибди.

Агарда франциялик футболчи тузалиб, сафга қайтадиган бўлса, Арсен Венгерда таркиб борасида муаммолар қолмаслиги мумкин. У ўтган хафта "Астон Вилла"га қарши ўтказилган учрашув вақтида қўлланилган таркибни яна бир бор майдонга тушириш имкониятига эга бўлади.

Шунингдек Робин ван Персининг тузалиш жараёни ҳам тугаллаб қолган. Аммо клуб бош мураббийи голландиялик футболчининг премьер лига баҳсларида тўлиқ майдонда ҳаракатлана олишига шубҳа қилмоқда.

"Насри сешанба кунги учрашув вақтида жароҳат олган. Унинг тизза пайлари шикаст еган, аммо у келгуси учрашувга қадар сафга қайтишга улгуриши мумкин.
Албатта бу ҳолат биз учун қувонарли бўларди. Айни вақтда Диаби ва Вермаленлар клуб лазаретида даволанмоқдалар. Фабрегаснинг тиззаости пайларидаги жароҳати ҳали битиб кетишига умид йўқ. Кўрамиз, Робин ўйинга чиқишга тайёр бўлармикан. Аммо у ҳам тўлиқ куч билан ҳаракат қилиши қийин бўлса керак.

Балким ўйин олдидан таркибда бироз ўзгариш қиларман. Аммо айни вақтда майдонга туша оладиган таркибимиз ҳам анча кучли кўриниш олган", - дейди Арсен Венгер ўз жамоасининг имкониятлари ҳақида гапирар экан.