Корея чемпионатини биринчи ўринда якунлаган "Сеул" жамоаси плей-оффда қатнашаётганлиги ҳақида хабар бериб ўтгандик. Плей-оффнинг жавоб  учрашуви бугун бўлиб ўтди.

Дастлабки учрашувда "Жежу Юнайтед"  меҳмони бўлган пойтхтликлар 2:2 ҳисобида дуранг натижа қайд этганди. Учрашувда Жепаров майдонда тўқсон дақиқа ҳаракат қилганди.

"Кей” лиганинг ҳал қилувчи финал учрашувининг жавоб учрашуви Сеулда  бўлиб ўтди. Мамлакат чемпиоанатини биринчи ва иккинчи ўринларда якунлаган бу икки жамоа ўртасида "ҳаёт-мамот" жанги  қизиқарли курашларга бой тарзда кчди.
 
Дастлаб, учрашувнинг 29-дақиқасида "Жежу Юнайтед” аъзолари ҳисобни очишди. Бразилиялик Сантос "Жежу"ни ҳисобда олдинга олиб чиқди. Голдан хурсандичиликни нишонлаб улгурмаган мемонлар шу дақиқанинг ўзидаёқ гол ўтказиб юборишди. "Сеул” футболчисига нисбатан ишлатилган қўполли кдан сўнг ҳакам меҳмонлар дарвозаси томони пенальти белгилади. Чжо Гук Чжунг бундай имкониятдан унумли фойдаланиб осонлик билан дарвозани аниқ нишонга олди ва ҳисоб тенглашди – 1:1. Биринчи бўлимнинг қолган дақиқалари тенг курашлар остида кечиб бошқа тўп дарвозаларга кирита олишмади. Ушбу натижанинг ўзиёқ "Сеул"ни мамлакат чемпионига айлантириши мумкин эи. Бироқ бундай қалтис натижа билан ўйинни  якунлашни  истамаган пойтахтликлар 74-дақиқа келиб ҳисобда олдинга чиқиб олди. "Сеул”нинг бразилиялик легионери Адилсон бу вазиятда муваффақият қозони. Ушбу гол Нело Вингада шогирдларининг олтин медалларга эга чиқишини таъминлади.

Ушбу чемпионлик «Сеул»нинг ўн йилдан сўнг илк чемпионлиги "тож"и саналади. Охирги марта пойтахтликлар 2000 йилда мамлкат биринчилигининг бош совринини қўлга киритишганди.

Эътиборли томони пойтахтликлар сафида жорий мавсумнинг иккинчи ярмидан бошлаб "Сеул” таркибида ҳаракат қилаётган Сервер Жепаров Жанубий Корея «Кей» лигаси чемпионлигини қўлга киритди.
 
Узоқ давом этган чемпионлик курашида  ғалаба  қозонган ҳамюртимизни ушбу ғалаба била табриклаймиз. Навбатдаги зафарли юришида Серверга  омад тилаб қоламиз.