Лондонинг "Челси” клуби ҳужумчиси Дидье Дрогба ўзининг тўпурарлик ҳислатлари нима билан боғлангани ҳақида сўзлаб бераркан, жамоа сардори Жон Террининг профессионал ҳислатларига юқори бахо бериб ўтди.

"Терри – шунчаки ақлдан озганроқ йигит. У елкасидан жароҳат олган бўлса ҳам, майдонга тушиб кетаверади. Бунинг устига у шу қадар қўрқмаски, мен оёғимни ишлатмайдиган хавфли жойларга бемалол бошини суқиб кетаверади. Агарда у кейинроқ жароҳат олишини билса ҳам, ўзини қурбон қилиб кетаверади.

Мен уч йил давомида Моуриньо қўли остида ўйнадим, бунинг устига Терри ва Эссьен каби феноменал футболчилар билан бирга тўп сурганим учун шу даражага ета олдим.

Албатта одамлар мени жангчи деб аташлари жуда ёқади, аммо улар буни оддий қабул қиладилар. Мен жангчидан ҳам кўра кўпроқ ишни амалга ошираман. Мен кўп ўз ўйинларимни қайта кўраман, майдонга чиқиш олдидан рақибни яхшилаб ўрганиб чиқаман. Менинг ёрқин ўйинларим – кучли таҳлил асосига қурилган.

Ўтган мавсум мен учун ажойиб ўтди, мен 32 ёшимда шундай ўйин кўрсата олдим. Киритган голларим билан фаҳрланаман. Майдонда тўпнинг йўналиши, ўз ўрним, рақибларимнинг жойлашган ўринлари, оёқларим ва берадиган зарбам ҳақида ўйлайман”, - дейди Дрогба.