Испаниядаги "Реал" клуби Игуаин жароҳат
олгандан сўнг, ҳужумчига эҳтиёж сезаётгани ҳақида миш-мишлар тарқаб
кетган эди. Бу борада мадридликлар сафига ўтиши мумкин бўлган барча
футболчиларнинг номлари матбуотда янграб ўтди. Мана энди, "Қироллик
клуби"нинг "Интер" жамоаси ҳужумчиси Диего Милито билан қизиқаётгани
ҳақида гап-сўзлар бошланиб кетди.
Аслида Гонсало Игуаин жаорҳат
олгандан сўнг бошланиб кетган миш-мишларда Эмануэль Адебайор, Эдин Жеко
ва Уго Алмейдаларнинг номлари янграб кетганди. Мана энди навбат
аргентиналик футболчига келди. Агарда унинг ўтган йили "Интер"да
Моуриньо қўл остида ўйнаганини назарда тутадиган бўлсак, мадридликлар
сафига ўтишга энг асосий номзод деб билсак бўлаверади. 32 ёшли ҳужумчи
ўтган йили нераззуррларнинг ғалабаларида ҳал қилувчи ролни ўйнаган эди.
Испан нашрлари томонидан айтилишича, айни вақтда Милитонинг
"Интер" бош мураббийи Рафаэль Бенитес билан муносабатлари ёмонлашиб
кетган. Бундан ташқари Моуриньо гарчанд Игуаин жароҳат олган бўлсада,
иккинчи ҳужумчи Карим Бенземани асосий таркибда майдонга туширмагани
ҳам бундай гап-сўзларга сабаб бўлмоқда.
