Мадриднинг "Реал" клуби ярим ҳимоячиси Криштиану Роналду клубдаги кўп гол уриш борасида яна бир бор рекорд ўрнатди.

Криштиану Роналду Испания чемпионатида ўтказилган бу йилги ўн тўртта учрашувда 17 бора рақиблари дарвозаларига гол уришга муваффақ бўлди. Бундай натижага "Реал" футболчилари ўтган 75 йил давомида эриша олмай келаётган эдилар.

1935/36 йилги мавсумдан буён 14 турда 17 гол урган футболчи "Реал" сафида топилмай келаётган эди. Испания чемпионатида эса 1950/51 йилги мавсумда охирги марта 14 та учрашувда 17 та гол киритилган эди.