Мадриднинг "Реал" жамоаси вингери Криштиану Роналду сўнгги пайтларда у билан бир чизиқда, фақат Англиянинг "Манчестер Сити" жамоасида тўп суриб келаётган Марио Балотеллининг чиқишларига  ўз жавобини берди.

Сўнгги вақтларда италиялик ёш футболчи "Реал" бош мураббийи Жозе Моуриньо ва "Юнайтед" ҳужумчиси Уэйн Рунилар ҳақида бир неча бор турлича фикрлар билдириб ўтганди.

"Марио яхши футболчи, аммо у кўпроқ футбол ўйнашдан кўра, кўпроқ гапиришни яхши кўради. Агар сен кўпроқ ҳаракат қилсанг, ўз устингда ишласанг премьер-лигада буюк футболчига айланишинг мумкин. Бироқ ҳозирги кунда Балотелли жуда ҳам манманликка берилиб кетмоқда ва кўп кучини футболга эмас футболга хос бўлмаган ишларга сарфламоқда", дея португалиЯлик футболчининг сўзларидан иқтибос келтириб ўтди Италиянинг "Football Italia" нашри.