Англиянинг "Манчестер Юнайтед" ва Жанубий Корея терма жамоаси ярим ҳимоячиси Парк Чжи Сун эртага бўлиб ўтадиган Ўзбекистонга қарши Осиё кубогининг  учунчи ўрин учун баҳсини ўтказиб юбориши мумкин. Бу ҳақда "Associated Press" ахборот  агентлиги хабар тарқатмоқда.

Манбанинг қайд этишича, Парк Чжи Сун ҳеч қандай жароҳат олмаган, бироқ жамоа мураббийлар штаби унинг аҳволидан хавотир олган ҳолда футболчининг сафга қўшимаслигини тавсия қилишган. Уларнинг фикрига кўра, футболчи сўнгги ўйинда жароҳат олиб қолиб МЮ жамоаси ихтиёрига кутилганидек етиб бора олмаслиги мумкин.

Таъкидлаш лозим, футболчининг ўзи Ўзбекистон терма жамоасига қарши учрашувдан сўнг терма жамоадаги кейинги фаолияти борасида аниқ бир гапни айтишини билдириб ўтганди. Олдинроқ Парк Чжи Сун Осиё Кубогидан сўнг терма жамоадаги фаолиятини якунлаши борасида чиқиш қилганди, дея хабар бермоқда AP.