 Халқаро футбол тарихи ва статистика
федерацияси (IFFHS) Осиё қитъасида сўнгги 10 йилнинг энг кучли миллий
чемпионатлари рейтингини эълон қилди. Унга кўра, XXI асрнинг энг яхши
чемпионатлари орасида Ўзбекистон Олий лигаси 6-ўринни эгаллади.
Мазкур
рейтинг ИФФХС томонидан тузиладиган йиллик рейтингларда битта
мамлакатнинг 5 та клуби тўплаган балл асосида тузиб чиқилади. Демак,
бунда миллий чемпионат, кубок ва халқаро ўйинларда қайд этилаётган
натижалар инобатга олинади. Шубҳасиз, бунда халқаро ўйинларнинг
натижалари улуши катта бўлади. Фақат, юқорида айтганимиздек, ҳар бир
мамлакатдан 5 та клубнинг натижалари инобатга олинади.
Ушбу
рейтингда 2001 йилдан 2010 йилгача бўлган расмий натижалар асосида тузиб
чиқилган. Авфтралия футбол федерацияси 2005 йилда ОФКга ўтгани учун
ушбу мамлакатнинг натижалари 2006 йилдан бошлаб инобатга олинган.
Ҳар
йили тузиладиган йиллик рейтингларнинг 10 тасидан 9 тасида Япония Жей
лигаси Жанубий Корея ва Саудия Арабистони чемпионатларини ортда
қолдириб, энг юқори ўринни эгаллаган. Демак, Жей лига сўнгги 10
йилликнинг Осиёдаги энг кучли миллий чемпионати деб топилди. Иккинчи
ўринни Корея Кей лигаси эгаллаган бўлса, учинчи ўрин Саудия Арабистони
Профессионал лигасига тегишли. Шунингдек, Эрон (4) ва Хитой (5) лигалари
ҳам Олий лигадан юқорироқ ўринни эгаллашган.
Биздан кейинги
ўринларни БАА, Қатар, Кувайт, Сурия миллий чемпионатлари эгаллаган.
Марказий Осиёдан эса Туркманистон чемпионати 22-ўринда қайд этилган.
Осиёнинг 21-асрдаги энг яхши миллий чемпионатлари рейтинги
1. Япония 3.693,5
2. Жанубий Корея 3.376,5
3. Саудия Арабистони 3.125,0
4. Эрон 3.019,5
5. Хитой 2.881,5
6. Ўзбекитон 2.690,0
7. БАА 2.526,5
8. Қатар 2.462,5
9. Кувайт 2.446,5
10. Сурия 2.196,5
11. Ҳиндистон 2.171,5
12. Иордания 2.089,0
13. Сингапур 2.048,5
14. Вьетнам 1.897,5
15. Ливан 1.877,0
16. Малайзия 1.874,0
17. Таиланд 1.795,5
18. Оман 1.767,0
19. Баҳрайн 1.758,0
20. Яман 1.610,5
21. Индонезия 1.530,5
22. Туркманистон 1.516,0
23. Ироқ 1.467,5
24. Гонконг 1.423,0
25. Австралия 1.321,0 Манба: www.iffhs.de
|
